Est bōs cervī figūrā, cuius ā mediā fronte inter aurīs ūnum cornū exsistit excelsius magisque dērēctum hīs quae nōbīs nōta sunt cornibus. Ab eius summō sīcut palmae rāmīque lātē diffunduntur. Eadem est fēminae marisque nātūra, eadem fōrma māgnitūdōque cornuum.
Gradus IVLitterae
Textus et quantitātēs ex ēditiōne Greenough (1898), rēgulīs nostrīs adhibitīs. Fontēs et ratiō ēdendī →