Ibī cōgnōscit Commium Atrebātem proeliō cum equitātū suō contendisse.
Nam cum Antōnius in hīberna vēnisset, cīvitāsque Atrebātium in officiō esset, Commius, quī post illam vulnerātiōnem, quam suprā commemorāvī, semper ad omnēs mōtūs parātus suīs cīvibus esse cōnsuēsset, nē cōnsilia bellī quaerentibus auctor armōrum duxque dēesset, parente Rōmānīs cīvitāte cum suīs equitibus latrōciniīs sē suōsque alēbat īnfēstīsque itineribus commeātūs complūrēs, quī comportābantur in hīberna Rōmānōrum, intercipiēbat.