Caesar cum inīquō locō pūgnārī hostiumque cōpiās augērī vidēret, praemetuēns suīs ad T. Sextium lēgātum, quem minōribus castrīs praesidiō relīquerat, mīsit ut cohortīs ex castrīs celeriter ēdūceret et sub īnfimō colle ab dextrō latere hostium cōnstitueret; ut, sī nostrōs locō dēpulsōs vīdisset, quō minus līberē hostēs īnsequerentur terrēret. Ipse, paulum ex eō locō cum legiōne prōgressus ubī cōnstiterat, ēventum pūgnae exspectābat.
Gradus IVLitterae
Textus et quantitātēs ex ēditiōne Greenough (1898), rēgulīs nostrīs adhibitīs. Fontēs et ratiō ēdendī →