Nostrī cum undique premerentur, XLVI centuriōnibus āmissīs dēiectī sunt locō; sed intolerantius Gallōs īnsequentīs legiō X tardāvit, quae prō subsidiō paulō aequiōre locō cōnstiterat. Hanc rūrsus XIII legiōnis cohortēs excēpērunt, quae ex castrīs minōribus ēductae cum T. Sextiō lēgātō cēperant locum superiōrem. Legiōnēs ubī prīmum plānitiem attigērunt, īnfēstīs contrā hostem sīgnīs cōnstitērunt. Vercingetorīx ab rādīcibus collis suōs intrā mūnītiōnēs redūxit. Eō diē mīlitēs sunt paulō minus DCC dēsīderātī.
Gradus IVLitterae
Textus et quantitātēs ex ēditiōne Greenough (1898), rēgulīs nostrīs adhibitīs. Fontēs et ratiō ēdendī →