Hīs rēbus perfectīs, regiōnēs secūtus quam potuit aequissimās prō locī nātūrā, xiv mīlia passuum complexus parīs eiusdem generis mūnītiōnēs, dīversās ab hīs, contrā exteriōrem hostem perfēcit, ut nē māgnā quidem multitūdine [sī ita accidat eius discessū], mūnītiōnum praesidia circumfundī possent; nē autem cum perīculō ex castrīs ēgredī cōgātur, diērum xxx pābulum frūmentumque habēre omnīs convectum iubet.
Gradus IVLitterae
Textus et quantitātēs ex ēditiōne Greenough (1898), rēgulīs nostrīs adhibitīs. Fontēs et ratiō ēdendī →